Appendix Coffee & Bar (已結業)

今日起SOGO附近shopping完周圍行既時候比一座好型格既大廈Tower 535吸引左 所以同朋友入去睇下 發覺原來入面都有唔少既餐廳 而Appendix coffee &bar既外型都同樣設計得型格新穎！我同友人分別叫左兩個set lunch 🍴 店員一開始先上左兩碗daily soup 今次既係南瓜濃湯 而面頭仲有一朵好靚用上左忌廉拉出黎既拉花 令人好易聯想到平日咖啡上嘅拉花 不過花形既拉花真係第一次見！南瓜湯色澤金黃 入口幼滑 係main course既一個好美好既前奏我main course 選擇左蜜糖烤春雞春雞預先切開了半份 但仍有雞脾連着雞胸肉 剛好足夠我與友人分享 春雞既雞皮微微香烤過後 皮非常香脆 更帶有濃濃既蜜糖香味 最欣賞既係春雞鮮嫩無比 即使係雞胸既部份仍然保持到juicy!另一個set中既main course選擇了黑松露忌廉意大利飯 意大利飯充滿了滿滿既黑松露味 成功提升左成個意大利飯既味道 芝士同忌廉既份量控制得好好 令每一粒意大利飯都被醬汁包含住😍加上粒粒蘑菇令成個飯口感超豐富 令人食唔停口呀！