小籠家族 (已結業)

返工日日都帶飯，今日就和同事兩個出去撐枱腳。我地就揀咗呢間上海菜，。兩個人叫咗三樣嘢外婆紅燒肉，火腿扒津白，上海炒年糕，但後尾想試下個豆沙鍋餅，又加多一樣。外婆紅燒肉，肉質鬆軟，醬汁濃郁，配料仲有好多香菇，香菇都煮得好入味。我地一開始無叫飯，但呢個真係太餸飯啦，於是我地就叫1碗白飯share。火腿扒津白，之前係上海餐廳食過濃湯浸津白，真係難食到罷食，不過呢間加咗啲火腿，湯底又唔會好似上次咁油多又無味。會有啲清甜，搭配火腿一齊食更加添了一些鹹香。上海炒年糕，好耐無食過年糕，好懷念炒年糕嘅煙韌口感。年糕都整得唔錯，口感適中，仲有搭配好多肉絲，青菜和菇，食落口感豐富又唔會覺得膩。豆沙鍋餅：飯後甜品，餅皮薄脆，內餡豐富，表皮仲有啲椰絲碎，食落幾好味，我地一人食一塊打包返佢比啲同事食。