影片
更多
2021-04-18
481 瀏覽
心血來潮想搵間有牛油果食嘅餐廳本來諗住睇下蘇杭街個邊D cafe，但又好似唔覺跟住老細唔知點解搵左呢間就介紹比我我睇完大部份評論，都係圍繞個靚靚牛油果玫瑰花但睇見個價錢差不多百四蚊我當堂嚇一跳不過我都選擇去睇睇咩料子，心諗貴都係一餐姐，唔係成日食，下幾餐慳D囉見個地址，同某著名烘焙店喺同一條街，咁應該好易搵行番一貫嘅路，點知抬頭一望，就已經見到間店名原來一直冇為意店舖面積好細，座位不多，一張窗口位嘅bar枱，同埋幾張細枱，環境裝修簡約，用上一個個燈膽照明，幾特別其中一幅牆上寫住呢句：Every day should start with coffee and end with gelato 🤣一睇就知間店唔止賣咖啡，all day breakfast仲有意大利gelato雪糕賣，真係與眾不同打開menu，搵到想要嘅everything eggs benny就毫不猶豫落order了等左一陣食物好快就送到望到碟上嘅食物，不禁嘩左一聲，點解可以靚到咁我諗女士黎到一定少女心爆發💖💖講番食物，其實就係兩隻poached eggs流心蛋，下面有少少菠菜，牛油果，巴拿馬火腿，再配多士同埋個荷蘭醬（下
本來諗住睇下蘇杭街個邊D cafe，但又好似唔覺
跟住老細唔知點解搵左呢間就介紹比我
我睇完大部份評論，都係圍繞個靚靚牛油果玫瑰花
但睇見個價錢差不多百四蚊我當堂嚇一跳
不過我都選擇去睇睇咩料子，心諗貴都係一餐姐，唔係成日食，下幾餐慳D囉
見個地址，同某著名烘焙店喺同一條街，咁應該好易搵
行番一貫嘅路，點知抬頭一望，就已經見到間店名
原來一直冇為意
店舖面積好細，座位不多，一張窗口位嘅bar枱，同埋幾張細枱，環境裝修簡約，用上一個個燈膽照明，幾特別
其中一幅牆上寫住呢句：Every day should start with coffee and end with gelato 🤣
一睇就知間店唔止賣咖啡，all day breakfast
仲有意大利gelato雪糕賣，真係與眾不同
打開menu，搵到想要嘅everything eggs benny
就毫不猶豫落order了
等左一陣食物好快就送到
望到碟上嘅食物，不禁嘩左一聲，點解可以靚到咁我諗女士黎到一定少女心爆發💖💖
Everything eggs benny
$138
41 瀏覽
0 讚好
0 留言
講番食物，其實就係兩隻poached eggs流心蛋，下面有少少菠菜，牛油果，巴拿馬火腿，再配多士
同埋個荷蘭醬（下次要問下點解個荷蘭醬係粉紅色）
牛油果上仲有少量開心果碎，同埋食用花，有點似薰衣草
多士唔係好厚，咬落好脆
另外個菠菜都幾特別，食到有少少辣，應該係有點辣粉之類，不過就算係唔食辣嘅我都可接受
總括黎講，唔單止賣相勁靚攞滿分，食物都唔差咁嘅食物，加埋咁用心嘅擺碟，真係貴一點都值得，你諗下一般食到嘅all day breakfast 都要一舊水啦，又來來去去都係食腸呀煙肉呀，有D蘑菇呀咁，呢個反而有點不同
唯一有點失望就係唔包飲品，至少都包一杯普通咖啡吧
但呢D小店係值得支持，下次試下淨係買佢嘅咖啡先
張貼
