Neighborhood

營業中

休息中

M姐姐深知松露乃XO仔最喜愛食品之一 ，所以一發現其公司附近剛開業o既意大利餐廳「Neighborhood」於新張期內以低價推廣鮮刨白松露，就第一時間通風報信，小肥亦急不及待，即時訂座，拉埋父母一同試食 。其實去食飯之前已經上網查過地址，無奈「Neighborhood」實在過份隱蔽，於漆黑晚上，店舖門面唔多起眼，側旁又有棚架遮擋，就連貴為「中環通」o既大肥爸爸都搵到要放棄，三人更於幾幢私人樓宇間崎嶇o既梯級上迷路 ，最終不得不與餐廳職員通電求助。「Neighborhood」室內環境雖然頗有時代感，但由於燈光昏暗，要欣賞裝修都唔係咁易。餐廳門口有個酒吧及幾張高櫈，其餘散座大多為半梳化式方形餐桌，只有蠟燭照明，情侶光臨應該會覺得好有情調，不過枱布都冇張就好似差咁啲野 ，衛生舒適度都被打折扣。入座後不久，小肥先點咗枝西班牙汽酒「Castell Sant Antoni」黎襯托吓氣氛。因汽酒每杯售價為$90，每樽則為$480，三個人飲一枝又唔算過份，所以就索性叫一樽。處理好飲品，帶上白色手套o既外藉侍應生Cliff哥哥隨即呈上白松露 ，並詳盡地講解餐廳為慶祝新店開幕，現正以每克$27優