影片
更多
2012-08-14
14 瀏覽
服務差到不得了book左五點，但去到門口呆等左五分鐘都冇職員出來，於是推門進入，入內看到只有一個金髮男侍應(好重江湖味)，裡面一個客都冇，燈都冇開，於是同金髮男侍應講book左五點, 點知佢以極差0既態度回應"出返去等啦!!!" 一等又是五分鐘了！真不明白，明明一個客都冇，點解一共要等成十分鐘先有得入呢?! 出面又冇冷氣又熱又焗！而且我明明一早book左, 唔係白撞，要我等咁耐，仲要態度咁惡劣! 最過份係我明明等到五點十分先入到去坐，個金髮男竟然話要由五點開始計時，我地同佢理論，佢就話我地book 5點，就5點開始計，頭先只係未準備好，先冇得入，唔關佢事！ 我算數，同佢再講落去只會令我更激氣，就食少10分鐘啦!!!!入到去, 發現Menu上超過60%既食物都冇擺出0黎，就知道自己中伏喇!!!! 張枱好細, 就只有一個位放碟，早段時間，間野得我地一枱客，但金髮男侍應開完個爐之後就完全唔serve 我地！d碟疊到好高都唔收，你話忙就話姐，但果陣得我地一枱客咋！完全當我地隱形!!!!食物款式極少! Menu上有一半以上食物都冇提供我主要食牛肉片，豬肉片，牛肉粒，豬肉粒, 以上全部都好咸!!!
book左五點，但去到門口呆等左五分鐘都冇職員出來，於是推門進入，入內看到只有一個金髮男侍應(好重江湖味)，裡面一個客都冇，燈都冇開，於是同金髮男侍應講book左五點, 點知佢以極差0既態度回應"出返去等啦!!!" 一等又是五分鐘了！真不明白，明明一個客都冇，點解一共要等成十分鐘先有得入呢?! 出面又冇冷氣又熱又焗！而且我明明一早book左, 唔係白撞，要我等咁耐，仲要態度咁惡劣! 最過份係我明明等到五點十分先入到去坐，個金髮男竟然話要由五點開始計時，我地同佢理論，佢就話我地book 5點，就5點開始計，頭先只係未準備好，先冇得入，唔關佢事！ 我算數，同佢再講落去只會令我更激氣，就食少10分鐘啦!!!!
入到去, 發現Menu上超過60%既食物都冇擺出0黎，就知道自己中伏喇!!!! 張枱好細, 就只有一個位放碟，早段時間，間野得我地一枱客，但金髮男侍應開完個爐之後就完全唔serve 我地！d碟疊到好高都唔收，你話忙就話姐，但果陣得我地一枱客咋！完全當我地隱形!!!!
食物款式極少! Menu上有一半以上食物都冇提供我主要食牛肉片，豬肉片，牛肉粒，豬肉粒, 以上全部都好咸!!!! 我本身鐘意食濃味食品，但都覺得d肉好好好咸, 由於太太太咸, 無辦法再點燒肉汁了，d肉除左咸味就冇其他味了! 完全唔好食，漢XX韓燒好食一萬倍, 食物款式多好多! 仲有d牛肉好深色，應該係唔新鮮，但明明做緊團購，客量肯定唔少，點解d肉會咁唔新鮮呢??? 唔通團購平左少少就入d劣質貨比人食?! 咁只會做壞自己個名囉，中過一次伏，肯定唔會再0黎第二次。食左個半鐘，我地已經頂唔順d肉咁咸, 埋單走人了！食完三個鐘，我飲左成公升水，依然勁口渴！d肉肯定唔知落左d乜野味精啦。我朋友就慘喇，唔知係咪食左d蜆唔乾淨，佢食完半個鐘就肚痛，要去toilet果隻!
唔止食物唔掂，環境都極唔掂！d座位勁迫，迫到想行出去拎野食都好困難，張枱又極細，想擺兩隻碟都好困難！最離普係勁勁勁大油煙。雖然每張枱都有個抽氣煙囪，但好似廢咁，d油煙不停順住冷氣個風向吹向我塊面，雖然我帶左眼鏡，但雙眼都比d油煙"葉"到好辛苦。之後去the one買野，個sale姐姐問我係咪arm arm 食完燒烤，話我成身好大陣燒烤味，真係瘀死人！間野地下勁多水積，夾野食d 夾跌左落地，就咁執返上去就算，極不衛生。本人確認食評內容完全屬實。
題外話/補充資料：
同場加映，金髮男侍應發難罵人事件
事緣有五個人book左枱, 去到竟被安排坐四人枱, 佢地燒左一陣，發覺迫得好緊要，先發覺被搵笨五人被安排坐左四人枱~於是搵左果個極冇禮貌既金髮男侍應理論，該男侍應起初不肯換枱, 經食客多番質問，才肯換返張六人枱比佢地(PS. 冇五人枱的)。該五位食客轉左枱後，有位女侍應問那金髮男侍應係咪收晒張枱上面d野，點知果位男侍應極不服氣的大聲回應:" 緊係收晒啦，點知佢地有冇病呀！"。成件事，誰是誰非大家有眼睇！請著咁既男侍應, 間野想做落去都幾難！
(以上食評乃用戶個人意見 , 並不代表OpenRice之觀點。)
張貼
