富士山 (已結業)

原來呢道開咗間新日本菜，門口仲印咗大大個富士山嘅畫係出面。🌙4人餐$798🌙桃汁及堤子汁晚上人數不多，店家都有安排人客坐疏啲，卡位的間板都算高，相對疫情中都安心啲🌙吞拿魚豆腐冷奴呢前菜味道幾醒神，芝麻醬加吞拿魚仲有豆腐，成個組合都好健康🌙海鮮刺身沙律呢個埋相很不錯，4個女仔好快就食曬，加上用嘅蟹子同三文魚令到成個沙律都好吸引🌙蟹肉蟹膏甲羅燒最期待係呢個菜！可惜我地幾個女仔掛住傾計，燒到過咗龍，如果唔係都食得出蟹膏幾鮮味的🌙海膽刺身盛鮮身賣相吸引，海膽份量都唔慳皮！很可惜我個人就偏向唔鍾意食魚類嘅刺身，所以主要都係食蝦，海膽同元貝。海膽都唔腥🌙吉列豬扒+吉列蝦餅新鮮炸起，所以油膩感不太重🌙豚肉鍋呢個細細鍋嘅烏冬就最有驚喜，估唔到個湯底都幾香，煮耐左個湯底好濃，但我哋幾個女仔又掛住傾偈煮過龍🤣，搞到個湯底有啲鹹，否則本身應該好好味的！🌙日式芝士餅&日式年糕配朱古力醬芝士餅味道好好，芝士味算重，食落都唔會似擺咗好耐嘅蛋糕😋總結來講四個女仔都食到飽住走！