龍麵館 (已結業)

晏晝去完AIA 玩, 十分盡興, 夜晚要食餐好, 黎個錦上添花。由於上一份工作係中環, 好多餐廳已經食過, 今晚要試新餐廳!o係Openrice 拉到呢間新餐廳, 見環境, 食物, 評語都唔錯, 就打去book位喇!準時7點鐘到達, 順利入座。 呢間係一間中菜館，主打中國麵條為主。裝修好都有風格!糖包臘腸卷呢個點心既賣相超吸引, 同朋友一見到就異口同聲話要點呢個!雖然佢睇落好甜美, 但其實入面個餡係臘腸黎架，好邪惡呀!臘像好香口，唔會太硬，連埋包一齊食幾夾，無咁膩! 可以一試!招牌龍肉撈麵既然呢度叫得龍麵館，龍肉撈麵都應該係招牌菜之一，梗係要試啦。龍蝦色澤鮮艷，肉質非常肥美爽口，非常新鮮。麵既軟硬度剛剛好，有彈性，因為加左芝麻既關係，食過非常香口，果然係招牌菜不能失禮。Tiramisu見到隔離台點左呢個，好精緻，我地都忍唔住點一份，真係好似一盆真既植物呀!泥土既部份係Tiramisu, 咖啡味幾濃, 蛋糕部分做得好細滑。至於上面既葉子, 係可食用蔬菜同烘過的雪耳,呢個雪耳的口感都幾得意,脆卜卜。其實好想試即燒片皮鴨，見成晚都好多人點，可惜我地得2個人，唯有下次要叫多D 朋友先試啦。