Home's Favourite (已結業)

星期五要食好啲，所以今日嘅下午茶都要食得豐富啲。去到天后區一呢間專賣新加坡特色美食嘅餐廳，當然要食下榴槤雪糕同埋特色飲品。榴槤戀人雪糕新地，用上頂級嘅榴槤王去做，所以無論係榴槤蓉定係軟滑嘅雪糕，都充滿濃郁嘅榴槤味道，加上一塊即日烤焗嘅曲奇，整體層次夠豐富!美綠恐龍冰，值得去飲嘅原因係美綠用左鮮奶去沖調，入口更滑，而冰面鋪滿美綠粉，整體味道更濃郁，相比出面嘅茶餐廳絕對係優勝一籌。係鋪頭都放滿罐裝曲奇，令到我買左包裝靚靚嘅曲奇返屋企。桂圓紅棗同埋荔枝味都充滿新加坡風情，熱帶生果味道一打開個罐就即係聞到，食落仲好香脆，其中桂圓紅棗仲食到粒粒紅棗，證明絕對係真材實料。