九重鮮 (已結業)

之前見韓國旅遊節目食呢啲海鮮塔，好似好正咁，所以就搵朋友去試下。一坐底侍應姐姐話呢期做緊白沙30分鐘任食，我地就貪新鮮去試下。姐姐話要蒸15分鐘先，所以30分鐘內應該可以食到兩輪，但其實一輪都已經有好多白沙，味道都幾鮮甜，但要留肚食首爾塔，所以食完一輪就完。係食白沙期間，我地同姐姐吹吹下水知道原來呢度有特別既透明蒸籠，要另外要求先有，而且有限數量，所以今次我地有幸可以食個與眾不同既首爾塔（可能已經好多人識咁樣order..）透明蒸籠清楚見到海鮮分部係不同層數，蒸既過程慢慢見到啲蝦變色，一路觀察一路等食，都幾有趣味。個塔因為會不停會不停咁蒸，所以有啲擔心比較低層既海鮮會過熟，但食落又無問題，層層海鮮都剛剛好，每層海鮮都好鮮甜，無特別調味，原汁原味推介大家湯底要換做人參雞湯，人參雞同海鮮都無蓋過對方既味道，淡淡既人參同海鮮原味無令到個粥底過咸。超鍾意粥底入面既年糕，煮左咁耐仲可以咁煙韌，但可惜一人得一舊，而個粥底就好棉，味道清甜。不過食到最尾真係好飽，但侍應姐姐話可以打包返去，到時煮多次味道會更加濃，但可惜個袋粥俾朋友拎左，所以試唔到了