影片
更多
2021-10-24
143 瀏覽
同朋友去踩完單車，做完運動之後梗係食返餐好嘢補充一下體力🤣。決定去食我哋都鍾意食嘅日本嘢，嚟咗呢間bookmark咗好耐嘅日式居酒屋試。嚴選九點刺身盛我哋點咗個二人份量嘅刺身拼盤，總共有九款嘅刺身，拼盤嘅擺盤好靚好吸睛，即時心心眼，打卡一流，分量十足，睇見都好興奮。有法國生蠔，帶子，北寄貝，牡丹蝦，𩶘魚，手釣池魚，深海池魚，深海池魚腩同埋大拖羅。啲刺身全部都好新鮮，北寄貝爽口鮮甜，牡丹蝦超大隻，蝦肉爽口綿密，蝦頭還有大量濃郁蝦膏，超正。深海池魚腩好厚身，魚油豐富甘香，大拖羅入口即溶，大滿足。明太子蟹肉醬焗蠔肉磨菇批呢個味道好有驚喜，大啡菇非常Juicy，餡料好豐富，蟹肉加上鮮甜嘅蠔肉，配以明太子同同埋鹹香嘅芝士焗，味道好夾，非常滋味。嚟到居酒屋梗係要食返啲串燒先夠氣氛。我哋總共叫咗四款。極上和牛串一咬落去，牛嘅油脂在口腔爆發，油花重，好香，肉質稔，食粒蕃茄仔可以中和返牛嘅油膩感。醬燒雞肉丸串免治雞肉丸啖啖肉，食落有啲洋蔥同黑椒香氣，幾惹味。豬腩味噌串豬腩係五花腩，層次分明，燒得好香口，味噌調味適中，唔會過咸。醬味燒墨魚咀墨魚咀非常爽脆，大大粒，配左啲類似柚子味嘅醬汁，有提味同埋去腥嘅效
嚴選九點刺身盛
我哋點咗個二人份量嘅刺身拼盤，總共有九款嘅刺身，拼盤嘅擺盤好靚好吸睛，即時心心眼，打卡一流，分量十足，睇見都好興奮。
有法國生蠔，帶子，北寄貝，牡丹蝦，𩶘魚，手釣池魚，深海池魚，深海池魚腩同埋大拖羅。啲刺身全部都好新鮮，北寄貝爽口鮮甜，牡丹蝦超大隻，蝦肉爽口綿密，蝦頭還有大量濃郁蝦膏，超正。
深海池魚腩好厚身，魚油豐富甘香，大拖羅入口即溶，大滿足。
明太子蟹肉醬焗蠔肉磨菇批
呢個味道好有驚喜，大啡菇非常Juicy，餡料好豐富，蟹肉加上鮮甜嘅蠔肉，配以明太子同同埋鹹香嘅芝士焗，味道好夾，非常滋味。
嚟到居酒屋梗係要食返啲串燒先夠氣氛。我哋總共叫咗四款。
極上和牛串
一咬落去，牛嘅油脂在口腔爆發，油花重，好香，肉質稔，食粒蕃茄仔可以中和返牛嘅油膩感。
醬燒雞肉丸串
免治雞肉丸啖啖肉，食落有啲洋蔥同黑椒香氣，幾惹味。
豬腩味噌串
豬腩係五花腩，層次分明，燒得好香口，味噌調味適中，唔會過咸。
醬味燒墨魚咀
墨魚咀非常爽脆，大大粒，配左啲類似柚子味嘅醬汁，有提味同埋去腥嘅效果。
總括而言，呢間居酒屋無論係刺身定係串燒嘅質素都唔錯，都幾適合同朋友嚟一齊傾吓計食吓野同飲嘢。
張貼
