CHI Tachinomi (屯門市廣場) (已結業)

之前聽朋友話屯市有居酒屋，機緣巧合下終於一試。一入門口，已經感受到日本嘅情懷，小店嘅感覺，好好彩可以坐Bar枱。店員熱情介紹串燒，聽到心思思。又想食串燒，又想醫飽肚，就決定食套餐，包前菜、飯、兩項串燒同飲品。前菜點左鰹蒜味增漬同冰菜沙律。鰹蒜味增漬食落唔似蒜！冇咗攻鼻嘅蒜味，有好濃郁嘅海鮮味，好開胃。口感亦爽口。冰菜新鮮，做沙律都幾好。飯叫咗大阪牛肉飯同咖哩炸雞飯。大阪牛肉飯有叫驚喜。同想像唔同，唔係用薄切牛肉片，而係用牛腩。牛腩厚身，軟熟，煮得入味。配埋牛肉汁好快就清咗成碗飯。咖哩炸雞飯正常發揮，炸雞脆口。叫兩個餐有四串串燒，大滿足。點咗香菇、秋葵、京蔥雞髀肉、豬腩葡萄卷。京蔥雞髀肉好juicy，燒蔥好香。。 京蔥雞髀肉好juicy，燒蔥好香。豬腩葡萄卷係必試。用豬腩片包住葡萄呢個組合好新鮮。葡萄減輕豬腩片嘅油膩感。聽日仲要返工，唯有以麥茶代酒，一邊飲，一邊食住燒生蠔。生蠔新鮮飽滿，仲保留多少少海水味。$88 半打好抵食。黎居酒屋好似嚟咗一轉日本小旅行。