影片
更多
2019-03-25
330 瀏覽
灣仔冰室基本上係我爸嗰邊親戚嘅聚腳點，唔想我80+歲嘅嫲嫲煮，我地就去呢度包兩枱食餐好！必食推介：1）椒鹽豆腐 - 外脆裡面滑爆，超香口，我兩歲幾嘅女一見到就大叫（脆）卜卜！2）椒鹽鮮魷 - 香口嘢真係好難抗拒，仲要堅好食，黎親都叫呢個菜做appetizer會唔會有點過份呢？3）辣子雞丁- 老闆娘好有誠意，上次話唔辣即刻叫師傅改良，今次辣度剛好，如果你想要超辣就不妨同老闆娘講聲。4）蔥油雞 - 淨係面個層厚厚嘅蔥油都已經夠你食曬碗飯！5）沙薑雞 - 食完蔥油雞，你會覺得呢個唔夠味，建議你飲啖水浪浪口先食！沾多啲沙薑汁先放入口！6）梅菜扣肉 - 其他我唔食肥膏，淨係食瘦嗰啲位，同食梅菜，好好撈飯，仲好體貼咁配有健康嘅白菜仔，仲入曬味！新菜式：1）黑松露蝦蒸豆腐 - 長輩但話唔係人人鍾意黑松露，覺得有陣煤氣味🤣我係黑松露粉絲黎，我覺得好香喎，同豆腐冇乜違和。大家不妨一試嘅！唔可以miss嘅甜品：（食套餐加$18有甜品，超抵！）1）木糠布丁 - 我每次都叫呢個，香滑唔漏！2）莫卡奶凍 - 老闆娘主理嘅新出品，入口要嗒到喉嚨椗先嗒出叻啡味，ok嘅，可以一試！3）朱古力蛋糕-上次我地食左好立克奶
必食推介：
1）椒鹽豆腐 - 外脆裡面滑爆，超香口，我兩歲幾嘅女一見到就大叫（脆）卜卜！
2）椒鹽鮮魷 - 香口嘢真係好難抗拒，仲要堅好食，黎親都叫呢個菜做appetizer會唔會有點過份呢？
3）辣子雞丁- 老闆娘好有誠意，上次話唔辣即刻叫師傅改良，今次辣度剛好，如果你想要超辣就不妨同老闆娘講聲。
4）蔥油雞 - 淨係面個層厚厚嘅蔥油都已經夠你食曬碗飯！
5）沙薑雞 - 食完蔥油雞，你會覺得呢個唔夠味，建議你飲啖水浪浪口先食！沾多啲沙薑汁先放入口！
6）梅菜扣肉 - 其他我唔食肥膏，淨係食瘦嗰啲位，同食梅菜，好好撈飯，仲好體貼咁配有健康嘅白菜仔，仲入曬味！
新菜式：
1）黑松露蝦蒸豆腐 - 長輩但話唔係人人鍾意黑松露，覺得有陣煤氣味🤣我係黑松露粉絲黎，我覺得好香喎，同豆腐冇乜違和。大家不妨一試嘅！
唔可以miss嘅甜品：
（食套餐加$18有甜品，超抵！）
1）木糠布丁 - 我每次都叫呢個，香滑唔漏！
2）莫卡奶凍 - 老闆娘主理嘅新出品，入口要嗒到喉嚨椗先嗒出叻啡味，ok嘅，可以一試！
3）朱古力蛋糕-上次我地食左好立克奶凍，我個女人仔細細食曬成杯，又真係唔漏又好滑！今次佢食朱古力蛋糕，竟然食唔曬，我試左一啖，嗯，確實係一般。
張貼
