影片
更多
2021-03-21
111 瀏覽
好耐冇去過樓上Cafe喇！今次搵到旺角依間部屋咖啡室，店面細細但幾有屋企嘅感覺～Menu上嘅Combo都幾抵，所以就揀咗份二人套餐試試－套餐包括一個10吋手拉Pizza同一款意粉／飯，另外仲有小食炸蟹餅同兩杯餐飲。Menu上有簡單標示Cafe用咩食材，例如意大利嘅Pizza麵粉同米，幾有心思。炸蟹餅即場炸起熱辣辣，味道似日式火鍋料，點泰式辣醬更好味。至尊辣肉腸手拉Pizza批底厚薄適中，Pizza邊烤得脆脆地，材料有肉醬、辣肉腸、青椒、蘑菇，仲加咗大量嘅芝士，新鮮出爐時芝士拉絲效果好勁！黑松露雜菇意大利飯都有好多人推薦，好鍾意佢夠creamy，忌廉同芝士嘅比例好啱而且好香黑松露味，意大利飯煮得偏腍身，什菌令口感更豐富。餐飲可以加錢有更多選擇，我地就飲咗榛子朱古力同檸檬利賓納，雖然冇特飲、花茶嗰啲咁特別，但有自家Logo嘅杯感覺更homey。成日覺得去樓上Cafe係一件好青春嘅事，依度仲有提供好多Board Games，同朋友一齊嚟傾計玩下都唔錯呢～
Menu上嘅Combo都幾抵，所以就揀咗份二人套餐試試－套餐包括一個10吋手拉Pizza同一款意粉／飯，另外仲有小食炸蟹餅同兩杯餐飲。Menu上有簡單標示Cafe用咩食材，例如意大利嘅Pizza麵粉同米，幾有心思。
炸蟹餅即場炸起熱辣辣，味道似日式火鍋料，點泰式辣醬更好味。
至尊辣肉腸手拉Pizza批底厚薄適中，Pizza邊烤得脆脆地，材料有肉醬、辣肉腸、青椒、蘑菇，仲加咗大量嘅芝士，新鮮出爐時芝士拉絲效果好勁！
黑松露雜菇意大利飯都有好多人推薦，好鍾意佢夠creamy，忌廉同芝士嘅比例好啱而且好香黑松露味，意大利飯煮得偏腍身，什菌令口感更豐富。
餐飲可以加錢有更多選擇，我地就飲咗榛子朱古力同檸檬利賓納，雖然冇特飲、花茶嗰啲咁特別，但有自家Logo嘅杯感覺更homey。
成日覺得去樓上Cafe係一件好青春嘅事，依度仲有提供好多Board Games，同朋友一齊嚟傾計玩下都唔錯呢～
張貼
