囍慶藝廚酒家 (已結業)

屋村酒樓曾經是兒時的回憶，以前每個屋村都一定有間在附近，等於是屋企人的飯堂，自從屋村商場被領展後，真是買少見少，全部都變了連鎖集團，所以今晚同朋友去了土瓜灣附近的屋村酒樓食晚飯。酒樓有些海鮮孖寶，價錢化算，人少少就啱哂。富貴芥味明蝦球：蝦球略為走油，粉漿不多，蝦肉大隻，爽口彈牙，不過沙律醬就比較多，西蘭花翠綠爽脆。魚香茄子豆腐煲：石鍋保溫度高，所以上枱後放了一段時間都很熱，豆腐略炸，非常嫩滑，而且不會太咸。清蒸沙巴龍躉仔：套餐中的蒸魚，火喉控制剛好，剛好熟透，魚肉雪白嫩滑，而且完全唔腥。蒜蓉粉絲蒸元貝：元貝有蒜香味道，肉質不鞋，粉絲亦吸收了蒜蓉味道，鮮甜爽口。翡翠炒雙蚌：貴妃蚌及象拔蚌肉厚，而且炒爽口，翠玉瓜厚切，所以不似外面會熟得太腍。最後送左個西瓜，另外還有紅豆沙，不過太飽食唔落。