一茗堂 (南山商場) (已結業)

呢間西餐廳經常成為我lunch飯堂，每次想食好嘢就去幫襯佢，雖然lunch價錢比其他餐廳高，但質素非常高，令我不斷再回頭幫襯。每次同同事兩個人食都會叫兩個餐，然後share，咁就可以食到唔同嘅嘢。Lunch set係會包沙律或者餐湯，餐湯每日唔同，今日係蕃茄湯，十分濃味，仲有番茄酸酸甜甜嘅味道。其他日子試過係蘑菇湯，都係十分好飲，仲有蘑菇蓉粒。今次我地試左佢Menu上嘅新嘢 - 招牌照燒汁雞扒煎蛋配珍珠飯，同埋次次都會叫嘅pizza - 雜錦肉食愛好者10吋薄餅。雞扒飯用木碗裝住，頗有韓國風味。雞扒相當入味，配以珍珠飯及少量蔬菜，份量十分足夠。食肉獸pizza，每次都無失望，仲要食極都唔厭。pizza係薄底，香脆可口，餡料方面有火腿、雞肉、香腸等，真係啖啖肉。佢地除左pizza出色外，扒類及漢堡包都係大熱之選，十分推介俾大家。舊式屋邨內嘅佢，真係獨一無二。