盤子工房 (建生商場) (已搬遷) 新店位置

小編遠道由九龍市區入到屯門建生去應援店打卡，當然要喺附近搵食，試下新餐廳啦！🤗 當日本身出門已經係黃雨☔️，入到去屯門之後變咗紅雨🌨。好在喺輕鐵落車後，都叫做有一段有蓋行人路擋下雨，未至於全身濕晒😅 轉入建生商場行返出去，就會見到同屋邨零舍唔同風格嘅盤子工房啦！ ［ 亂闖試飲試食 ］🍽 鹹蛋黃蟹肉意粉 😋😋😋😋😋雖然驟眼望落去唔多覺有鹹蛋黃醬嘅橙黃色，但仔細睇係見到一粒粒鹹蛋黃，只係撈埋咗喺蟹肉同意粉度 🤩 醬汁唔會過於濃烈，整體帶有咸香味！ ☕️ 竹炭鮮奶咖啡 😋😋😋😋先被餐廳選用嘅咖啡杯吸引咗，細細杯好精緻 😁 飲落咖啡味先衝上上顎同鼻腔，然後再喺口腔慢慢散去，感覺幾得意，又唔會令人討厭！唔知係咪因為加咗唔少竹炭粉落去嘅原故呢？🤔午餐 💵💵💵 約港幣$140/人 順帶一提︰餐廳只收現金，大家去幫襯嘅話，唔夠現金喺手，可以到附近嘅商場㩒錢。💁🏻‍♀️ 題外話︰望住玻璃門外嘅雨水放空發呆真好☺️，諗住等雨細啲就離開餐廳，準備去下一個應援打卡店，點知埋單行出門口冇幾步路，變埋黑雨…… 🌧🤦🏻‍♀️🙆🏻‍♀️ 最後，喜歡嘅話，歡迎follow @foodirectory.hk ！