影片
更多
2017-02-04
390 瀏覽
新年期間除咗可以喺酒樓到飲茶，其實可以簡簡便便拜過年，搵間餐廳食個早餐，都係一個唔錯嘅選擇。去到華富邨又唔想去茶餐廳，又唔想去大家樂呢啲咁嘅連鎖餐廳，就搵咗呢一間意樂。唔講唔知原來呢一間餐廳係連鎖，有幾間分店，薄扶林就係其中一間。佢嘅裝修就比較西化，座位有卡位，都有方形大枱。早餐同一般嘅茶餐廳來講冇什麼大分別，選擇都係一啲炒蛋配通粉又或者炸魚柳咁樣，但係見到佢嘅份量都好似比較大，扮到幾靚仔。今日揀咗炸魚柳併火腿，仲有陪埋蒜蓉厚多士，多士嘅味道都幾好，有蒜蓉嘅味道，但係略嫌塊多士就比較乾身咗啲，炸魚柳係熱辣辣，入邊嘅肉都尚算嫩滑。幾乎所有嘅早餐都會併有一個茄汁焗豆，都幾有營養。另一個就係炒蛋，意式火腿，火腿配牛角包。牛角包都係即焗，份量都幾大，同埋已經幫你切開咗個口，但係入邊就唔多覺有牛油，我就建議夾埋個蛋同火腿入去食，咁就會比較濕口d ，好味d。另外加＄6可以要個麥片或者火腿通粉，見想食番啲濕嘅嘢，就叫左一個火腿通粉，但火腿通粉就完全唔好食，冇味道，嗰啲粉好淋好霉，又細碗，完全唔值得加。食物整體來講都不錯，比起連鎖嘅快餐店好食，價錢都合理。
唔講唔知原來呢一間餐廳係連鎖，有幾間分店，薄扶林就係其中一間。佢嘅裝修就比較西化，座位有卡位，都有方形大枱。
早餐同一般嘅茶餐廳來講冇什麼大分別，選擇都係一啲炒蛋配通粉又或者炸魚柳咁樣，但係見到佢嘅份量都好似比較大，扮到幾靚仔。
今日揀咗炸魚柳併火腿，仲有陪埋蒜蓉厚多士，多士嘅味道都幾好，有蒜蓉嘅味道，但係略嫌塊多士就比較乾身咗啲，炸魚柳係熱辣辣，入邊嘅肉都尚算嫩滑。幾乎所有嘅早餐都會併有一個茄汁焗豆，都幾有營養。
另一個就係炒蛋，意式火腿，火腿配牛角包。牛角包都係即焗，份量都幾大，同埋已經幫你切開咗個口，但係入邊就唔多覺有牛油，我就建議夾埋個蛋同火腿入去食，咁就會比較濕口d ，好味d。
另外加＄6可以要個麥片或者火腿通粉，見想食番啲濕嘅嘢，就叫左一個火腿通粉，但火腿通粉就完全唔好食，冇味道，嗰啲粉好淋好霉，又細碗，完全唔值得加。食物整體來講都不錯，比起連鎖嘅快餐店好食，價錢都合理。
張貼
