影片
更多
2011-09-27
421 瀏覽
鴻興位處屏山，一連四、五個舖位，仲有一個露天停車場係隔離，好似都唔細。雖然嗰魚缸唔大，但係都有十條、八條唔同大細嘅斑，地下就放咗幾個膠盆，有蝦、有蟹。大花蝦只係剩番兩隻，我哋一行三人，就揀咗六隻鬼蝦，用豉油皇煎，因為望落都幾大隻，$10一兩，共10兩，盛惠$100。盡頭嘅舖位，就係燒味嘅肉枱，老闆娘話燒肉靚，我哋就叫咗嗰燒肉拼燒鵝。返埋位，我哋再加碟啫啫通菜牛肉煲、炒斑球同八寶冬瓜粒湯，合共四餸一湯。燒肉拼燒鵝先到，先食一口燒肉，偏肥，入口有d油膩，皮脆，但偏硬，坦白講，撇除肥瘦問題不談，燒烤功夫一般，而且味道偏鹹，麻麻地；至於燒鵝，係下裝，唔太肥，皮唔算脆，但可以接受，肉質嫩滑，味道亦適中，唔會過鹹，比燒肉好食，$60一碟雙拼，可以接受。跟著係豉油皇煎鬼蝦，賣相一流，如果色澤再深d，仲靚；未食，都聞到豉油皇嘅香味，唔錯；隻蝦都好大隻，$100六隻，仲要係活蝦，抵食；入口，肉身爽，豉油皇亦入味，蓋過蝦嘅鮮味，但鬼蝦本身唔夠鮮味，用豉油皇煎就正好把鬼蝦嘅弱點掩蓋。嗰八寶冬瓜粒湯，真係好多料，除咗冬瓜外，仲有勝瓜、草菇、蔥、瘦肉、雞肉、火腿、鯪魚肉、蟹柳、蝦仔、魷魚鬚，可惜湯底唔夠清，有d
雖然嗰魚缸唔大，但係都有十條、八條唔同大細嘅斑，地下就放咗幾個膠盆，有蝦、有蟹。
大花蝦只係剩番兩隻，我哋一行三人，就揀咗六隻鬼蝦，用豉油皇煎，因為望落都幾大隻，$10一兩，共10兩，盛惠$100。盡頭嘅舖位，就係燒味嘅肉枱，老闆娘話燒肉靚，我哋就叫咗嗰燒肉拼燒鵝。
返埋位，我哋再加碟啫啫通菜牛肉煲、炒斑球同八寶冬瓜粒湯，合共四餸一湯。燒肉拼燒鵝先到，先食一口燒肉，偏肥，入口有d油膩，皮脆，但偏硬，坦白講，撇除肥瘦問題不談，燒烤功夫一般，而且味道偏鹹，麻麻地；至於燒鵝，係下裝，唔太肥，皮唔算脆，但可以接受，肉質嫩滑，味道亦適中，唔會過鹹，比燒肉好食，$60一碟雙拼，可以接受。
跟著係豉油皇煎鬼蝦，賣相一流，如果色澤再深d，仲靚；未食，都聞到豉油皇嘅香味，唔錯；隻蝦都好大隻，$100六隻，仲要係活蝦，抵食；入口，肉身爽，豉油皇亦入味，蓋過蝦嘅鮮味，但鬼蝦本身唔夠鮮味，用豉油皇煎就正好把鬼蝦嘅弱點掩蓋。
嗰八寶冬瓜粒湯，真係好多料，除咗冬瓜外，仲有勝瓜、草菇、蔥、瘦肉、雞肉、火腿、鯪魚肉、蟹柳、蝦仔、魷魚鬚，可惜湯底唔夠清，有d油，味道仲好複雜，因為入面有太多唔同種類嘅食材，唔細心挑選過，唔多喜歡。
至於啫啫通菜牛肉煲，唔係砂鍋，係一個鐵鍋，牛肉有d過熟，偏韌，通菜亦都係煮得太耐，唔夠青綠，唔知點解，仲有d豬潤係嗰鍋入面，哈哈，而且冇啫啫嘅惹味。
最後，係炒斑球，老闆娘話係新鮮劏嘅大青斑，入口都覺新鮮，絕對唔係雪藏魚，都有d魚味，但唔滑，肉身亦唔爽，$90一碟，普普通通啦。
哈，呢度有樽裝可樂，不過係大樽裝，一人一支，好味道。
今晚最好食嘅一定係豉油皇煎鬼蝦，而且係非常抵食，其他餸菜，水準一般，不過價錢平，翻開餐牌，好多菜色都係$40-$60，唔算貴；今晚有魚、有肉、有菜，仲有湯，埋單$375，每人$125，經濟抵食。張貼
