Castellana Restaurant (已搬遷) 新店位置

為最竉愛嘅靚女舞伴暖壽，週三晚特選於一間新開嘅意大利餐廳「Castellana Restaurant」度撐枱腳。西餐廳位於銅鑼灣高級食廈Cubus內，樓底高高，裝潢簡單但仍不失雅致。正門先有三個鬍鬚廚師代表歡迎光臨，可愛極！左邊有個光鮮嘅酒吧區。中央則以透明玻璃酒櫃作屏風，型格地間開窗邊嘅半開揚式廂房。用餐大堂只有五張散座，拍牆一邊有張長長嘅梳化，其餘嘅厚墊椅櫈都好舒適。二人被安排入座其中一張圓枱，雪白嘅枱布上有條卷起嘅餐巾，擺枱設計簡潔有特色。餐牌上以意大利文印出用餐日期，除咗代表餐牌每日印出之外，其實亦意味著菜式會隨住時令食材及海產而作出即日改動。封面清楚道出餐店理念，菜餚均由新進星級廚神Marco Sacco先生重新演繹傳統嘅皮埃蒙特料理。如果對黑松露有興趣的話，食客可以$5/克享用鮮刨黑松露。兩口子應外籍哥哥推介，一同點選咗七道菜晚餐「Un Assaggio Del」。點好菜，姐姐仔先續一斟出特純橄欖油，準備稍後配麵包食用。晚餐先由是日開胃前菜「慢煮牛舌伴紅菜頭」作序。爽潤嘅慢煮牛舌小件上以鮮美嘅紅菜頭蓉及巧脆嘅餅塊點綴，黏上碟上嘅及紅菜頭粉末即能增添口感，微酸帶甜，輕盈可口。