影片
更多
2021-02-13
803 瀏覽
屯門牛唔使騎牛出城食burger🐮🍔🍟﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷經典漢堡 $68▶5oz牛肉漢堡 紐西蘭車打芝士 生菜 蕃茄 招牌特製醬▷套餐 薯條&飲品 +$18／轉薯格 +$5個包拎上手夠大舊，放入口又唔會大到咬唔到～漢堡扒睇到係零舍厚𠴱一塊，肉質有咬口唔會鬆散。薯格勁好食，真係外脆內軟又夠味，我覺得係成餐最出色！牛芝堡加埋玻璃樽可樂真係絕配，食完飲啖有氣可樂gur晒🥤漢堡除咗手打牛之外，另有烤雞扒、煎焗香草豬柳扒、素食大啡菇、雙層炸蝦堡，款式多得嚟又各有特色！下次會想試下雙層蝦蝦🍤﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷全日早餐 $98▶茄汁豆 蕃茄 炒蛋 牛角包 薯餅 薯仔蛋沙律 蔬菜沙律 煙三文魚 煙肉呢個all day breakfast食完係all day都唔使食嘢，又牛角包又薯餅又薯仔沙律，勁重澱粉質，兩條友食完飽到呆滯。個薯仔沙律係重點，睇落普通但又幾好食，食到入面係薯蓉加薯仔粒兩種口感，仲食到好濃嘅蛋黃味。🥗可惜我去個陣冇咖啡試唔到住，食all day breakfast緊係要配返杯咖啡，但由於冇就照飲可樂，成件事就冇咁完滿，下次有機會再試！呢間係一定食得飽而味道
﹣﹣﹣﹣﹣﹣﹣﹣﹣﹣﹣﹣﹣﹣﹣﹣
▷經典漢堡 $68
▶5oz牛肉漢堡 紐西蘭車打芝士 生菜 蕃茄 招牌特製醬
▷套餐 薯條&飲品 +$18／轉薯格 +$5
個包拎上手夠大舊，放入口又唔會大到咬唔到～漢堡扒睇到係零舍厚𠴱一塊，肉質有咬口唔會鬆散。
薯格勁好食，真係外脆內軟又夠味，我覺得係成餐最出色！
牛芝堡加埋玻璃樽可樂真係絕配，食完飲啖有氣可樂gur晒🥤
漢堡除咗手打牛之外，另有烤雞扒、煎焗香草豬柳扒、素食大啡菇、雙層炸蝦堡，款式多得嚟又各有特色！下次會想試下雙層蝦蝦🍤
﹣﹣﹣﹣﹣﹣﹣﹣﹣﹣﹣﹣﹣﹣﹣﹣
▷全日早餐 $98
▶茄汁豆 蕃茄 炒蛋 牛角包 薯餅 薯仔蛋沙律 蔬菜沙律 煙三文魚 煙肉
呢個all day breakfast食完係all day都唔使食嘢，又牛角包又薯餅又薯仔沙律，勁重澱粉質，兩條友食完飽到呆滯。
個薯仔沙律係重點，睇落普通但又幾好食，食到入面係薯蓉加薯仔粒兩種口感，仲食到好濃嘅蛋黃味。🥗
可惜我去個陣冇咖啡試唔到住，食all day breakfast緊係要配返杯咖啡，但由於冇就照飲可樂，成件事就冇咁完滿，下次有機會再試！
呢間係一定食得飽而味道又唔錯，係市中心過去都好快到，午市仲幾旺要等一等位，唔想等就早啲或者晏啲去喇～📣
﹣﹣﹣﹣﹣﹣﹣﹣﹣﹣﹣﹣﹣﹣﹣﹣
✐
@hktuenmun.cow
屯門牛
屯門青海圍2號萬寶商場地下3號舖
張貼
