燒蝦蝦 (興泰大廈) (已結業)

有得食又有得玩？到底你會諗到咩地方呢？今次就要推介喺屯門嘅「燒蝦蝦」！當日我哋7:30前就走，價錢只係338！到底有咩玩？當然就係有得自己夾佢哋嘅流水蝦啦😎，啲流水蝦勁生猛，真係慢少少都捉唔到佢哋😆，所以食落蝦肉特別彈牙！另外，佢哋仲有唔同嘅海鮮，我哋最鍾意食佢哋嘅扇貝，超大粒有鮮甜，我自己覺得一定要加埋啲蒜蓉！真係一流！之後都仲有好多唔同嘅串燒，雞肉串都好Juicy，肉質夠晒嫩。仲有佢哋嘅啤酒都係任飲！就連1664生啤都有，食住海鮮串燒飲住啤酒真係夠晒嘆。最後唔少得就係甜品，佢都有好多雪條雪糕供應。