花火洋食 (已結業)

聽過屯門高爾夫球場入面有間餐廳，性價比極高。今日朋友帶我嚟試下，一試難忘。我哋叫咗2人餐，有餐湯，頭盤，意粉/薄餅，主菜，甜品同飲品，都係$388咋。煙燻三文魚配日式芥末忌廉汁野菌意粉🍝。三文魚配日式芥末忌廉汁，估唔到咁夾，我呢個對芥末唔係好興趣嘅人，都食咗一大碟呢。日本西京味噌焗美國穀飼豬鞍伴薯菜🍖。豬鞍一上枱，見到咁厚肉，我哋都嚇咗一跳，切落去好鬆軟，肉質嫩滑，入口即溶，我哋好快就ko晒。飲品：玫瑰花朱古力，呢杯朱古力好靚，靚到唔捨得飲；青蘋果梳打味道一般。甜品：黑芝麻豆腐芝士蛋糕，淡淡嘅黑芝麻同豆腐味，味道清新；朱古力布朗尼，朱古力味道濃郁，好有咬口。甜品為呢餐畫上完美句號。