和洋茶食 (已結業)

係網上見到有訪問話呢間主打健康嘅cafe就去試下。點左個雞all day，總括嚟講食物質素係唔錯嘅，炒蛋綿滑，雞扒有2塊👍🏻煎得香，夠汁唔鞋，窩夫都好食，唯一係薯餅冇咩味，可能落多少少鹽會好食d。但最大問題係備餐時間太耐喇，由比錢到上餐等左成半個鐘，當時舖頭其實都係得3個客。我見食物係落餐之後逐樣煎，首先煎雞扒，之後就蕃茄、薯餅，最後炒蛋，最後上菜嘅時候其實個雞扒已經唔太熱。總括嚟講，食物質素對得起個價錢，但趕時間就唔會考慮呢間。