寶島

營業中

休息中

下午肚餓去左屋企兩個屋苑距離既寶島，其實呢間野中學時期食到而家，都開左好耐，亦係我覺得比較有性格既餐廳，因為會突然無開想放假就放既餐廳。我地午餐加六蚊要左杯忌廉益力多。老實説，真係果罐忌廉同益力多溝既味，屋企都整到。味道當然好，都無溝稀到。煎蛋蠔仔飯，有蛋，青椒，蠔仔，食落無腥味，我個人再加多小小燒汁撈飯，十分美味，$41都係可以接受。女朋友點左炸豬排咖哩烏冬，咖哩烏冬係日式咖哩磚既味，豬扒炸得爽脆唔太咸，整體都幾好。