燒蝦蝦 (興泰大廈) (已結業)

29/4 係第一階段疫苗通行証最後一日（12~18歲需打一針先入得），諗住同阿仔食最後一日堂食，book 左枱去到掃安心出行既時，由於鋪頭已經update 左個安心出行，我個仔已打一針，但係顯示未能合符資格，門口有位戴眼鏡既男職員，態度極不討好，只係係咁話我個仔既安心出行唔入得，我已經解釋比佢聽疫苗通行証係30號先開始，亦有show 比佢睇安心出行apps 入面既電子針卡，佢睇都唔睇，眼尾都唔望，只係用好悔氣既態度話：唔使睇，唔理，總之安心出行唔得就唔得！其實你有冇諗過，有冇認真理解法律呢？明明係30號先開始，你唔使咁既態度，仲覺得我地好似怪獸咁既，我已經show 比您睇電子針卡！唔緊要，唔食你地可以食第二間既！門口仲要放個牌係到話試業期間，多多包容! 身為食市餐廳，請先理解法律效力！唔食你，我都可以食第二間既!