baby café (已結業)

星期日，雖然落雨但仍然因為難得放假所以去新西行下食下！夜晚去到屯門市廣場，上兩層有好多野食，7點幾去到，見baby cafe唔係好洗等啲價錢又合理，加上未試過，就試下！睇食評好多劣評，但食又唔覺！除左侍應態度差之外，其實不錯！叫左個二人組合，兩個主菜一個小食，叫左個漢堡同芝士海鮮意大利飯，小食要左雞翼拼薯角，$168!再加左個湯同是日餐飲荔枝茶$23！漢堡估唔到都幾好食，牛肉煮得啱啱好，旁邊嘅沙律菜亦都幾新鮮，個汁好醒胃，食下食下就食曬！芝士意大利飯算幾足料，有淡淡芝士香，其實我覺得芝士少少就夠，太勁反而會覺得滯！雞翼除左細隻左少少之外，味道就出奇地好，蜜糖甜甜的，肉質亦唔會太林/硬，幾有咬口，呢個好味！薯角同薯條就正正常常無乜特別！總括嚟講，我覺得算抵食而且好食，人均100唔洗，而家好難揾到！