影片
更多
2021-09-24
358 瀏覽
上個禮拜約咗朋友行街，佢介紹屯門有間隱細西餐廳，裏面嘅質素好高之餘價錢亦都唔貴，人均消費百幾蚊就有一個有齊沙律餐湯主菜同埋甜品嘅套餐，聽到都覺得好心動所以就去試吓！呢間餐廳係我食之前試過上網搵，我發覺對佢嘅comment都唔多，喺Google Map上面仲要搵唔到佢嘅資料，不過入到去餐廳嘅裝修都幾靚，而且佢都擺咗好多蝙蝠俠同埋英雄系列嘅模型同埋poster都幾得意㗎。佢套餐嘅選擇都好多，我同朋友都睇到眼花撩亂，最後我哋叫咗焗德國豬手配蜜糖芥末汁，紐西蘭西冷牛扒拼大蝦配紅酒汁，火炙石斑魚柳拼瑤柱金菇配賓利士汁，同埋炭燒安格斯肉眼扒配黑椒汁。 咁多樣之中我最鍾意就係佢嘅德國豬手，Size勁大，外皮超級香脆但係入口一啲都唔會好硬好乾，而且佢亦都唔會有豬嘅腥味，配合返佢哋自家製嘅蜜糖芥茉醬真係不得之了！佢嘅火炙石斑魚柳我都極度推介，一睇相就知佢用了極度奢華同埋豐富，石斑入口結實冇雪藏味，配合返炒香左嘅瑤柱同埋金菇卷，再加上加入左蛋黃，白酒同埋檸檬嘅嘅賓利士醬汁真係CP值極高之選。牛扒方面我哋今次叫咗兩款，分別係西冷牛扒同埋另外加錢嘅肉眼扒。兩種牛肉師傅都烹調得恰到好處，西冷入口比較結實但肉味濃
呢間餐廳係我食之前試過上網搵，我發覺對佢嘅comment都唔多，喺Google Map上面仲要搵唔到佢嘅資料，不過入到去餐廳嘅裝修都幾靚，而且佢都擺咗好多蝙蝠俠同埋英雄系列嘅模型同埋poster都幾得意㗎。
佢套餐嘅選擇都好多，我同朋友都睇到眼花撩亂，最後我哋叫咗焗德國豬手配蜜糖芥末汁，紐西蘭西冷牛扒拼大蝦配紅酒汁，火炙石斑魚柳拼瑤柱金菇配賓利士汁，同埋炭燒安格斯肉眼扒配黑椒汁。
咁多樣之中我最鍾意就係佢嘅德國豬手，Size勁大，外皮超級香脆但係入口一啲都唔會好硬好乾，而且佢亦都唔會有豬嘅腥味，配合返佢哋自家製嘅蜜糖芥茉醬真係不得之了！
佢嘅火炙石斑魚柳我都極度推介，一睇相就知佢用了極度奢華同埋豐富，石斑入口結實冇雪藏味，配合返炒香左嘅瑤柱同埋金菇卷，再加上加入左蛋黃，白酒同埋檸檬嘅嘅賓利士醬汁真係CP值極高之選。
牛扒方面我哋今次叫咗兩款，分別係西冷牛扒同埋另外加錢嘅肉眼扒。兩種牛肉師傅都烹調得恰到好處，西冷入口比較結實但肉味濃，佢嘅大蝦亦都啖啖肉，燒烤過香味十足。肉眼扒入口鬆軟，但油花味香，食得出師傅功架十足。
真心估唔到原來喺屯門嘅小區會有呢種質素咁高嘅西餐。溫馨提示一下，佢哋嘅特大凍檸茶真心超大杯，係倒滿成個特大啤酒杯，大家如果去開屯門真心推薦大家去試吓啦！
張貼
