影片
更多
2023-07-08
108 瀏覽
同兩個朋友響屯門區做完嘢搵地方食晚飯，其中一個話一路都想嚟呢間食一餐，但係有冇撞啱機會，所以就走咗過嚟食。我都問佢點解想嚟呢度食，佢話呢間係本地牛主要嘅批發商，每日都有靚本地新鮮牛肉，有啲部位仲要出邊好難買到，所以橫掂響附近就過嚟試吓。可能時間唔算高峰期，同埋係平日，入到去只有兩台客，環境都比較傳統，餐牌亦都相對簡單。因為其中一個朋友唔食辣，所以湯底就叫咗個蕃茄薯仔坑爪鍋，味道都OK，煮到一半已經忍唔住試吓啲寸坑爪，咬落去要花啲時間，但係牛肉味好濃。牛方面朋友淨係想試牛頸脊同埋腩心，前者比較淋，後者比較有咬感，食開美國牛或者黃牛嘅就會蝕得出個分別，真係特別有牛味。亦都嗌咗個海鮮拼盤，包括有蝦，日本大元貝朗，同埋台山𧐢。份量同埋味道都算可以，花竹蝦仲好新鮮添。其他嘅包括叫咗一碟手打鮮牛丸，一碟豬潤，同埋一碟雲吞拼香茜牛肉餃。豬膶就冇乜特別，雲吞都係，牛肉餃，其實真係好似將啲牛肉丸包咗餃子皮咁，不過多咗一浸香茜味。牛肉丸應該係比較失望嘅一碟，唔係特別滑，唔係特別香，裏面亦都冇任何嘅配料，亦都食唔出有啲乜嘢特別，價錢亦都唔平。總括嚟講地方還算可以，但係以食物嘅性價比嚟講相對真係比較貴，就算出
可能時間唔算高峰期，同埋係平日，入到去只有兩台客，環境都比較傳統，餐牌亦都相對簡單。
因為其中一個朋友唔食辣，所以湯底就叫咗個蕃茄薯仔坑爪鍋，味道都OK，煮到一半已經忍唔住試吓啲寸坑爪，咬落去要花啲時間，但係牛肉味好濃。
牛方面朋友淨係想試牛頸脊同埋腩心，前者比較淋，後者比較有咬感，食開美國牛或者黃牛嘅就會蝕得出個分別，真係特別有牛味。
亦都嗌咗個海鮮拼盤，包括有蝦，日本大元貝朗，同埋台山𧐢。份量同埋味道都算可以，花竹蝦仲好新鮮添。
其他嘅包括叫咗一碟手打鮮牛丸，一碟豬潤，同埋一碟雲吞拼香茜牛肉餃。豬膶就冇乜特別，雲吞都係，牛肉餃，其實真係好似將啲牛肉丸包咗餃子皮咁，不過多咗一浸香茜味。牛肉丸應該係比較失望嘅一碟，唔係特別滑，唔係特別香，裏面亦都冇任何嘅配料，亦都食唔出有啲乜嘢特別，價錢亦都唔平。
總括嚟講地方還算可以，但係以食物嘅性價比嚟講相對真係比較貴，就算出到去市區食都係算貴。食個就夠啦。
張貼
