龍拉麵 (已結業)

幾年前新開張食過一次，當時只係得一個鋪位，六個位食拉麵。今日已經變成兩個鋪位，客人坐嘅位置自然都闊落左，食都食得無咁拘謹。第一次食個陣對厚切日式叉燒印象深刻，事隔咁耐，依然保持到水準，用料非常充足。上次食「白龍」，今次試下「黑龍」，叉燒固然又厚又好味，而櫻花蝦同黑松露都好足料！湯底濃得黎感覺唔會太膩，配合幼麵個口感好好味，仲有全隻溏心蛋都非常出色，如果有埋竹筍就完美啦！支持小店💛尤其好欣賞店主唔貪心，只賣三種拉麵，白、黑、赤三款都各有特色，追求素質而唔追求數量👍🏻