影片
更多
2020-12-23
321 瀏覽
BYOB Coffee Roaster (屯門)屯門青桃徑5號文翔大廈地下2A號舖BYOB “Be Your Own Barista”每間店成立都有佢既目標，但作為食客又有無感受過？餐廳內用工業風，設計簡單，環境舒適。有足夠空間感，枱同枱之間有足夠嘅距離，唔會覺得逼，更加唔會聽到隔離食客既談話內容。餐廳半自助形式，不設加一股務費。餐牌會係入座時俾你，選擇好就到收銀處話俾店員知坐既位置，落單俾錢。然後，轉向左手邊攞水同餐具。另外，店員細心有禮貌，令我覺得係呢度食午餐好舒服。 慢煮德國咸豬手 $138製作需時40分鐘，餐牌有寫，落單個陣都會再提醒你。每次黎到第一件事就係落單叫豬手食，當然，要唔趕時間先叫得。店員一放低豬手，不論我還是家人朋友既第一反應都係 “嘩”，因為豬手好大隻，切開有少許肉汁流出。食落口，表皮脆口，肉多汁，而且有淡淡麥香。話就話咸豬手，但其實唔係太咸，岩岩好，性價比相當高。有時想叫外賣，會先打電話叫左隻豬手，然後預40分鐘就岩岩好時間去到攞外賣。卡邦尼意粉 Carbonara $68卡邦尼意粉內有煙肉、洋蔥、蘑菇、流心蛋。加左隻蛋黃令卡邦尼汁濃稠。就甘望落去賣相好吸引。我
屯門青桃徑5號文翔大廈地下2A號舖
BYOB “Be Your Own Barista”
每間店成立都有佢既目標，但作為食客又有無感受過？
餐廳內用工業風，設計簡單，環境舒適。有足夠空間感，枱同枱之間有足夠嘅距離，唔會覺得逼，更加唔會聽到隔離食客既談話內容。餐廳半自助形式，不設加一股務費。餐牌會係入座時俾你，選擇好就到收銀處話俾店員知坐既位置，落單俾錢。然後，轉向左手邊攞水同餐具。另外，店員細心有禮貌，令我覺得係呢度食午餐好舒服。
慢煮德國咸豬手 $138
製作需時40分鐘，餐牌有寫，落單個陣都會再提醒你。每次黎到第一件事就係落單叫豬手食，當然，要唔趕時間先叫得。店員一放低豬手，不論我還是家人朋友既第一反應都係 “嘩”，因為豬手好大隻，切開有少許肉汁流出。食落口，表皮脆口，肉多汁，而且有淡淡麥香。話就話咸豬手，但其實唔係太咸，岩岩好，性價比相當高。有時想叫外賣，會先打電話叫左隻豬手，然後預40分鐘就岩岩好時間去到攞外賣。
慢煮德國咸豬手
$138
13 瀏覽
0 讚好
0 留言
卡邦尼意粉 Carbonara $68
卡邦尼意粉內有煙肉、洋蔥、蘑菇、流心蛋。加左隻蛋黃令卡邦尼汁濃稠。就甘望落去賣相好吸引。我偏向唔食洋蔥，但食落洋蔥只有少少味，唔會令我抗拒。平日自己煎完煙肉都偏咸同乾，對於平日食得比較清既我，呢度既煙肉咸度岩岩好。
卡邦尼意粉 Carbonara
$68
6 瀏覽
0 讚好
0 留言
黑松露雜菌意粉 Spaghetti with mixed Wild Mushrooms $68
店員一放低碟意粉已經嗅到濃郁既黑松露味，好香。碟內除左有黑松露醬，仲有忌廉汁、雜菌、蘆筍。最緊要熱食都仲有濃濃既黑松露味，加上雜菌多，意粉唔會好乾身，味覺上更夾。
黑松露雜菌意粉 Spaghetti with mixed Wild Mushrooms
$68
7 瀏覽
0 讚好
0 留言
蝴蝶夫人綠茶 Geisha Blossom $28
有少少桃味，好香。每食完一樣野清一清個口，唔錯。
蝴蝶夫人綠茶 Geisha Blossom
$28
6 瀏覽
0 讚好
0 留言
BYOB招牌冰咖啡 House Blend On Rock $32
我唔係好識飲咖啡，只作有限度評論。一開始飲淡淡既甘。飲到中間甘濃味左，開始有微微酸味。飲到最尾，酸味蓋過甘味。
BYOB招牌冰咖啡 House Blend On Rock
$32
3 瀏覽
0 讚好
0 留言
====================
後記：
1. 見到門外有張紙寫住因為老闆有腦瘤導致失聰，所以講野大聲，而唔係無禮貌，希望大家見諒。奇怪張貼左甘既野，上網一搵，原來曾經有人不滿 “店員大聲無禮貌”。其實，無人會想病，希望大家能夠多體諒。
2. 我入坐後老闆(?)叫後面有老人家既3位客人先入坐，唔好係出面吹風。係呢件小事上我見到老闆(?)既細心。
張貼
