榮少喇沙 (已結業)

呢間鋪平時係公司外賣就食得多，今日終於試下堂食係點。餐廳環境整潔，壁報設計有心思，仲有好多mirror嘅poster同週邊， 鏡粉一定好開心🤣叫左兩個麵同一個小食,食物都黎得快，職員見你冇筷子會主動拎比你，夠細心。軟滑龍利魚喇沙 $55大大塊炸龍利魚，冇雪藏味，調味適中，鹹度足夠。鮮黃色嘅喇沙湯底，濃稠適中， 椰香和咖喱味平衡，唔錯。配料有雞蛋同豆卜。豆卜吸滿湯汁，麵條都掛湯。 份量都大份，食到好飽。燒雞喇沙 $58朋友叫左個燒雞喇沙（瀬粉溝米粉）另一臺客人見到，即刻問我地叫左咩🤣 燒雞大大碟， 肉質唔錯，唔鞋。咖央油炸鬼 $18第一次食呢個配搭，好新奇。 油炸鬼唔會淋曬，keep住脆身， 配上甜甜嘅咖央，又幾好食。 作為開胃小食都唔錯，叫得過。