稻成小館 (已結業)

本身好鐘意食上海菜，難得平日有朋友入嚟屯門食lunch，二話不說就推薦稻成小館。係屯門想食上海菜，十次有八次都係揀我嘅飯堂稻成小館🤗。之前嚟親都係食dinner，今次係第一次lunch時段嚟，原來佢地有lunch set，但我地3個想食酸菜魚就無揀lunch menu，留返下次再試。用點餐紙形式落單，分類清晰，小食、點心每次都係必點雞絲拌粉皮 $54粉皮、青瓜同雞絲份量都多，而花生麻醬都好香濃而且足夠拌勻全部材料，推薦👍🏻稻成小籠包 $38食上海菜必點嘅小籠包，皮薄多汁，一上菜就要即刻趁熱食，可惜我夾嘅時候掛住傾計，唔小心整穿左漏左一半汁出嚟🤦🏻‍♀️嫩雞煨麵 $58奶白色湯底鮮甜，雞絲、菜粒同菇都多，但個麵就淋左少少稻成酸菜魚片 $98我嘅至愛菜色，魚片同薯粉份量好多，食極都仲有。魚片滑溜、薯粉彈牙，酸味比辣味重，唔會太辣，唔食辣嘅朋友都食到高力豆沙 $42上枱熱辣辣，入口鬆軟，內餡有滿滿嘅紅豆蓉同香蕉片，又唔會太甜👍🏻總括嚟講，稻成小館水準穩定而且性價比高，有卡位坐得都舒服，係同屋企人朋友食中菜嘅好選擇！