新斗記 (已結業)

相約好友在屯門聚餐，朋友帶我到新斗記。地點位於屯門市廣場內，處於最繁盛的地段。未夠七點，餐廳已人頭湧湧，坐滿了食客，大部份都是家庭來做節。前菜是麻辣雲耳，辣辣地，惹味又開胃。乳豬好好味，食落卜卜脆，點埋乳豬醬同埋砂糖，味道非常之夾。再嚟就係豉油皇海虎蝦，非常鮮味！海蝦啖啖肉，十分彈牙！通常食鮑魚都係清蒸，冇諗過薑蔥鮑魚都係咁好味！干扁四季豆，肉碎好惹味，適合伴飯！貴妃雞十分足料，最啱鍾意啖啖肉的朋友！