住家飯

營業中

休息中

好耐冇去屯門置樂嗰頭，嗰日剪頭髮嘅髮型師話呢間住家飯係好多人排隊嘅餐廳，當堂有一啲抌心口，因為我嗰日去到真係有好多人排隊，但係但係我竟然冇食到嗰隻最出名嘅雞煲啊！我只係食咗小菜咋，下次真係要搵個機會去食下好出名嘅雞煲先得喇！嗰日因為真係太多人排隊啦，所以都排得來已經時間比較眼，隔離有間好可愛嘅貓貓店忍唔住一入去玩咗一陣，所以就揀咗啲小菜快快脆脆食，蜜椒牛柳粒呢碟餸唔係度度都整得好食㗎，要將薯仔炸完之後再炒，先可以令到佢唔好咁容易變得爛晒，牛柳粒甜得來有咬口又唔會太老，如果唔係就咬唔郁啦！另外揀咗清湯雜菜鍋，原來真係少少海鮮都冇🤣，不過清淡得嚟又估唔到真係冇味精個喎，所以如果屯門牛牛要食一餐住家飯嘅話呢間餐廳又真係冇改錯名都係一個幾好嘅選擇。