餃里 (悅湖商場) (裝修中)

今日帶屋企人過嚟屯門呢邊睇醫生，睇完醫生順便搵食。行行下去到悅湖呢邊，見到一間餃子店。齋睇舖面，呢間餃子店同悅湖商場其他店舖嘅風格幾大出入。餃子店雖然舖位唔大，但係後面有好多人手喺廚房即刻製作餃子，所以食兩啖就食得出餃子嘅食材係好新鮮。9隻三併自由選 ($54) (芝士粟米額外再加$2)呢到有好多款式可以選擇，心思思想試多幾款。攞住個Menu諗咗兩諗，店員建議可以揀9隻三併自由選，價錢貴少少，但係好在可以試多幾款！最後今日揀咗3款，分別係芝士粟米鮮肉餃、紫菜鮮肉餃同埋最經典嘅韭菜鮮肉餃，最有特色相信係芝士粟米鮮肉餃，芝士味道好出，配埋豬肉鮮味又幾有驚喜。另外自己好鍾意食紫菜鮮肉餃，覺得紫肉配埋大大啖肉好夾，所以食得好滋味。呢3款餃子相比之下，覺得韭菜鮮肉平平無奇。無辦法，因為其他兩款太出色，哈哈！外賣自取會跟一盒醬汁+辣辣哋嘅菜甫。生餃(素餃+紫肉鮮肉餃)( $52)難得過嚟碼頭，順路叫咗盤生餃拎走返屋企。呢盤係素餃併紫菜鮮肉餃，留返第二日可以同屋企人當早餐食。