愛 . 添 (已結業)

見呢間野好似都幾多人食，就同朋友走左入去食甜品。灸燒焦糖布蕾日式梳芙厘班戟一上枱個賣相都幾吸引，聞落仲幾香，焦糖味好出，食落仲有蛋香味，雪糕可揀豆腐，cookie and cream, 芒果, 香芋味。朋友揀左豆腐味，中和番焦糖既甜味，整體唔錯。綜合燒仙草芋圓熱一直都好似冇停過，所以叫左個綜合燒仙草，入面配紅豆、小丸子 、芋圓、地瓜圓同珍珠，碗野都幾大同menu張相冇咩出入，芋圓同地瓜圓口感都唔錯，但可惜既係成碗野都比仙草既味道搶哂，食唔到其他味。