屯門牛 (已結業)

因為疫情關係，係屋企叫外賣，無意中叫到呢間漢堡包食店，估唔到屯門有一間咁出色既漢堡飽食店，外賣質素已經好高，所以一有機會就同老婆落左去堂食。首先環境方面，始終係一間小店，餐檯比較細再加埋d防疫膠板，空間會些許壓迫感，不過又未去到唔舒服。而食物方面就好出色，當日就叫左炸墨魚漢堡+羊腿肉漢堡，兩個份量都好大份，墨魚堡塊墨魚就有好濃郁既墨魚味，而生菜同番茄就好新鮮咬落好爽口。而羊腿肉堡就騷味唔算重，食落就有好濃郁既肉汁，配埋d半溶既芝士真係無得頂。至於薯條就啱啱炸起，夠熱曬，仲加左黑椒粒係上面，食落鹹鹹地加些許辣，味道真係好夾。未中不足既就係薯條份量比較少，多返些許就完美