餃里 (悅湖商場) (裝修中)

入黎屯門探朋友，突然提議食餃子，朋友推介我黎呢度，話呢度啲餃子有水準，於是特登渣架車入黎買外賣。呢度可以自由選擇單拼雙拼，湯/煎餃子同加套餐，我地全部選晒煎餃我試左泡菜、芝士粟米、咖哩鮮肉餃。泡菜鮮肉餃幾特別，唔係好多餃子店都有，入面餡料足。中意濃郁口感既朋友推介咖哩鮮肉，入面仲加左洋蔥，好惹味。朋友就試左煎椰菜、芹菜、香荽鮮肉餃，三樣都係重香菜味道。朋友話推薦芹菜餃，芹菜份量多，而且餃子皮夠薄身，咬落仲有肉汁流出黎。