影片
更多
2021-10-27
63 瀏覽
屯門區真係比較少見呢類日式串燒居酒屋，而且仲係大商場地鋪，地點方便。店內以四人檯同bar檯為主，位置擺放寬敞，適合朋友吹水，部分四人檯係以Asahi啤酒物流膠箱搭建，幾有特色。牆上掛滿日本風畫作同飾物，其中不二胖虎好吸睛。晚飯套餐都幾抵，最平$158有前菜、飯、兩款串燒同飲品。另外亦有單點串燒同較細碗嘅飯。大阪牛肉飯牛肉鋪滿整碗飯，有牛腩同牛筋。切法唔係傳統日式薄片，而係比較類似台灣牛肉咁大大舊，而且煮得好淋。牛肉汁多而且完全滲入珍珠米中。秋葵即燒上碟，燒得乾身，另配上甜甜嘅醬汁。胡麻番茄係冰凍的，麻醬份量多，清涼開胃。京蔥雞髀肉、京蔥雞肉外層燒得微焦，裡面肉厚而嫩滑，京蔥內層亦都保留到一定濕度，幾清甜。玉子燒好大份而且熱辣辣，但個人覺得乾左少少。鹽燒牛舌黑椒同鹹度都剛剛好，牛舌厚度適中，裡面軟滑而且入味，推薦。日本雞皮咬落去由外到內都卜卜脆，輕鹽味，完全冇平時食雞皮嘅油膩感。如果淨係食串燒，真係可以encore多幾串。
牆上掛滿日本風畫作同飾物，其中不二胖虎好吸睛。
晚飯套餐都幾抵，最平$158有前菜、飯、兩款串燒同飲品。另外亦有單點串燒同較細碗嘅飯。
大阪牛肉飯
牛肉鋪滿整碗飯，有牛腩同牛筋。切法唔係傳統日式薄片，而係比較類似台灣牛肉咁大大舊，而且煮得好淋。牛肉汁多而且完全滲入珍珠米中。
秋葵
即燒上碟，燒得乾身，另配上甜甜嘅醬汁。
胡麻番茄
係冰凍的，麻醬份量多，清涼開胃。
京蔥雞髀肉、京蔥
雞肉外層燒得微焦，裡面肉厚而嫩滑，京蔥內層亦都保留到一定濕度，幾清甜。
玉子燒
好大份而且熱辣辣，但個人覺得乾左少少。
鹽燒牛舌
黑椒同鹹度都剛剛好，牛舌厚度適中，裡面軟滑而且入味，推薦。
日本雞皮
咬落去由外到內都卜卜脆，輕鹽味，完全冇平時食雞皮嘅油膩感。如果淨係食串燒，真係可以encore多幾串。
張貼
