Pillowtalk Restaurant & Bar

營業中

休息中

最近同事問我有冇試過屯門既pillowtalk，聽講唔錯，叫我去試下，於是我就約左幾個朋友一齊試試佢。有戶外坐位，應該係for吸煙既食客。就咁睇menu都唔算太貴，不過屯門啲價錢都差唔多了，加$35就可以轉set，有埋甜品。跟餐的餐湯同沙律，餐湯幾香滑仲有粒粒磨菇，沙律就幾fresh。一共4個主菜：龍蝦汁海鮮意大利飯，雖然唔太食到龍蝦汁味，但個意大利飯好creamy好香濃！香草醬法式羊架配薯角，份量好大呢，有3件大羊架，冇羊羶味配香草醬薄荷好好味。紐西蘭草飼西冷配薯角，都唔錯，算係易切唔UN。德國蜜糖芥末醬焗原隻豬手，個皮好香脆可口～配芥末醬夠惹味呢。脆辣炸雞，另外點左個小食，有啲似麥記炸雞。餐飲點左檸檬茶，跟餐甜品係Tiramisu，甜品好甜同juicy。