影片
更多
2021-08-07
418 瀏覽
自從屯市開左壽司郎同Donki，真係迫爆，所以我行返去紅橋覓食，除左有好味拉麵店，仲有呢間Cafe，而且長期有人龍，今日預早少少黎，所以仲有位。主要都係意粉同小食，仲有德國豬手。飲品有齊各款咖啡或茶類，選擇都很多。先安排入座，自行去櫃檯點餐及付款，之後由店員送上食物。免加一抵讚。水牛城雞翼 $50炸得香口唔油膩，個醬先係靈魂所在，酸度同辣度都好突出，開胃又惹味，食唔停口。蟹肉牛油果他他沙律 $100賣相好靚，亦因為好睇又顏色豐富，所以點來食，順便打卡影相。味道都很好，拌勻來食，入口有軟綿潤滑牛油果，仲有大量蟹肉且唔腥，加埋蛋沙律真係好滋味，仲有蕃茄仔增加濕潤感，而面層大量蟹籽，增加脆口感又提鮮，好好食。北海道帆立貝明太子意粉 $100帆立貝微微煎熟，口感細嫩微彈，珍寶尺寸啖啖肉。意粉也煮得剛熟，保持咬口，加上微辣明太子醬汁，creamy又濃郁，咸中帶辣好正。京都宇治小山圓鮮奶抹茶 $37拉花好吸晴，令人心情開朗，抹茶味濃郁，茶濃微甘，加鮮奶中和濃茶味，甜度亦剛好。Dirty Coffee $40入口有暖熱濃縮咖啡同冰凍牛奶，凍熱之間，甘甜交雜，口感味道都獨特。咖啡酸度更高，味道濃郁，
自從屯市開左壽司郎同Donki，真係迫爆，所以我行返去紅橋覓食，除左有好味拉麵店，仲有呢間Cafe，而且長期有人龍，今日預早少少黎，所以仲有位。
主要都係意粉同小食，仲有德國豬手。飲品有齊各款咖啡或茶類，選擇都很多。
先安排入座，自行去櫃檯點餐及付款，之後由店員送上食物。免加一抵讚。
水牛城雞翼 $50
炸得香口唔油膩，個醬先係靈魂所在，酸度同辣度都好突出，開胃又惹味，食唔停口。
蟹肉牛油果他他沙律 $100
賣相好靚，亦因為好睇又顏色豐富，所以點來食，順便打卡影相。味道都很好，拌勻來食，入口有軟綿潤滑牛油果，仲有大量蟹肉且唔腥，加埋蛋沙律真係好滋味，仲有蕃茄仔增加濕潤感，而面層大量蟹籽，增加脆口感又提鮮，好好食。
北海道帆立貝明太子意粉 $100
帆立貝微微煎熟，口感細嫩微彈，珍寶尺寸啖啖肉。意粉也煮得剛熟，保持咬口，加上微辣明太子醬汁，creamy又濃郁，咸中帶辣好正。
京都宇治小山圓鮮奶抹茶 $37
拉花好吸晴，令人心情開朗，抹茶味濃郁，茶濃微甘，加鮮奶中和濃茶味，甜度亦剛好。
Dirty Coffee $40
入口有暖熱濃縮咖啡同冰凍牛奶，凍熱之間，甘甜交雜，口感味道都獨特。咖啡酸度更高，味道濃郁，有回甘。不過咖啡我唔太識，總捨黎講，好飲，都做到dirty特色，但賣相做到混染會更吸引。
張貼
