留民料理

營業中

休息中

今次輪到人地帶我食好西，朋友仔住屯門，係智樂呢邊搵到間高質日式料理，就係呢間留民料理。入到黎，原來除左日本菜，仲有一啲fusion港式野。首先黎個溫泉蛋，上面有蟹子和醬汁，用匙羹𠝹開，溫泉蛋流岀黎，拌埋一齊食，仲好味！麻辣牛筋，夠晒麻辣，每條牛筋都彈彈充滿骨膠原。串燒有牛肋條，豬頸肉，五花腩，雞腎，燒到微焦夠香，尤其牛肋條，牛味重又多肉汁。海膽醬帶子飯，有金萡，飯粒裏面有蟹籽同埋蔥，所以口感係好多層次，好有咬口。竟然見到有燒乳鴿，以為酒樓先有得食，呢度都幾多元化，叫隻試下，估唔到都燒得幾好，乳鴿入味又有肉地。