影片
更多
2021-09-15
2199 瀏覽
【牛扒特輯 - 啟德隱世森林風餐廳】本身係從來無黎過啟德郵輸碼頭，因為賀真係唔知可以去做咩，但最近見到好多網紅都去左呢間餐廳度打卡，我都唔執輸要去影下相試下佢地d野食先！首先佢地餐廳相當難搵, 我搵左半個鐘先搵到, 因為呢度真係超大, 我係佢個平台度搵餐廳時都順便影左好多相, 呢度真係好靚。生平第一次踏足啟德郵輪碼頭，就係黎呢間9月10號先開張嘅新餐廳 Coffeeflow x The Old Hangar 。 今次試呢一款就係Old Hangar 最引以自豪嘅牛扒。ig : mr.travelgenius【法式忌廉南瓜湯】有一片好香軟嘅蒜蓉包，浸係個南瓜湯度真係好好味好香😍【特級肉眼牛扒拌薯蓉】牛扒煎得好香，好大塊，質感好鬆軟好腍，唔會死死實實，5成熟，非常好火喉，仲見到一坑坑嘅焦網紋，證明係明火燒類牛扒。食落表面有牛肉焦香味，但肉汁味道偏清淡，有微微香甜感，滿口肉汁。調味醬汁有黑椒汁/燒汁，仲有海鹽伴碟。海鹽非常粗大粒，唔小心沾多左鹽，好易咸到變酸梅婆婆嘴😗好咸但可能因為半生，我覺得牛肉香味始終爭d。我係一個偏向7成熟嘅牛扒愛好者，不過5成熟的確容易咀嚼，而且佢完全無筋，非常好入口
本身係從來無黎過啟德郵輸碼頭，因為賀真係唔知可以去做咩，但最近見到好多網紅都去左呢間餐廳度打卡，我都唔執輸要去影下相試下佢地d野食先！
首先佢地餐廳相當難搵, 我搵左半個鐘先搵到, 因為呢度真係超大, 我係佢個平台度搵餐廳時都順便影左好多相, 呢度真係好靚。
生平第一次踏足啟德郵輪碼頭，就係黎呢間9月10號先開張嘅新餐廳 Coffeeflow x The Old Hangar 。
今次試呢一款就係Old Hangar 最引以自豪嘅牛扒。
ig : mr.travelgenius
【法式忌廉南瓜湯】
有一片好香軟嘅蒜蓉包，浸係個南瓜湯度真係好好味好香😍
【特級肉眼牛扒拌薯蓉】
牛扒煎得好香，好大塊，質感好鬆軟好腍，唔會死死實實，5成熟，非常好火喉，仲見到一坑坑嘅焦網紋，證明係明火燒類牛扒。
食落表面有牛肉焦香味，但肉汁味道偏清淡，有微微香甜感，滿口肉汁。
調味醬汁有黑椒汁/燒汁，仲有海鹽伴碟。海鹽非常粗大粒，唔小心沾多左鹽，好易咸到變酸梅婆婆嘴😗好咸
但可能因為半生，我覺得牛肉香味始終爭d。
我係一個偏向7成熟嘅牛扒愛好者，不過5成熟的確容易咀嚼，而且佢完全無筋，非常好入口。
牛扒食評分數：7分/10分滿分
【法國燒春雞伴薯蓉】
肉質偏結實，低脂，味道較單一，無乜層次感同驚喜。
但我呢類減肥健身人仕，就可以揀呢款。
【TOH Signature】
以橙汁+西柚汁+Vodka調製而成，相當清新消暑！
【甜品 焦糖燉蛋伴雪糕】
客觀黎講，焦糖燉蛋好香甜好好味，不過太高糖份啦😅我健身減肥好有罪惡感，但我都係忍唔住食哂⋯⋯⋯⋯
呢度環境好靚呀，仲有好多個打卡位，任影唔嬲，佢場地主要比人做wedding party，平時如果想黎食野可以check下有無比人包場先，因為要過黎啟德郵輪碼頭都唔係簡單架，所以問清楚好d😋
The Old Hangar
地址: 啟德郵輪碼頭B區2樓
張貼
