Wildfire Pizzabar (凌霄閣) (裝修中)

水牛雞翼雞翼炸起，新鮮又夠熱。美中不足係食落唔太juicy，但係配返兩個醬食又唔錯，叫不過不失。炸魷魚圈呢個就完全唔係好得，佢個炸粉同魷魚圈分得好開，同埋識落仲要唔係熱既，俾返少少誠意俾我炸返熱都好。波士頓龍蝦尾意大利麵個龍蝦意大利麵，配埋茄汁，佢有啲特別就係加埋蘆筍喺入邊。令到個意大利麵有啲唔同口感。波士蝢龍蝦尾海鮮意大利飯呢個意大利飯色落去又唔太硬身，對於我嚟講啱啱好，另外佢都有蝦同魷魚圈係入面。不過味道方面又唔係太突出。燒烤薄餅（8‘）叫咗個八吋薄餅，成個薄餅熱辣辣，不過就冇肉喺入面，只係得啲腸。不過佢都有啲三色椒，同埋新鮮洋蔥，增加返個口感。環境一次半次都應該可以，最特別就係佢有一個望住港島嘅景，可以睇埋維港。不過因為我下晝去，唔知係佢個冷氣有問題定點，全程都好熱。位置方面喺山頂，景點地方都好多人下，冇乜特別都應該唔去第二次。