影片
更多
2024-09-07
627 瀏覽
住咗馬鞍山19年，睇住新港城街市不停變化，經歷多次加租，今日店舖已經面目全非，當中有一間小店，仍然生存，當年覺得佢哋價錢偏貴，宜家覺得抵食！舖仔細細食物算多選擇，腸粉係佢地主力，燒賣、牛肉、豬皮、咖哩魚蛋、糉、發糕、是日粥⋯⋯幫襯得最多係腸粉辣蛋+燒賣，雖然冇粉嶺四眼佬咁正，不過足夠稱霸馬鞍山！今日三點幾有D肚餓，路過新港城，就入去食腸粉啦！通常都外賣返屋企食，不過今日人少少，決定坐低食。腸粉辣蛋冇叫燒賣，因為見到個叔叔食緊碗疑似皮蛋瘦肉粥，我又叫一碗，姐姐話係菜乾豬骨粥，仲特價$13碗，照食啦！腸粉唔會令你失望，碗粥更加喜出望外，足料足味，咁又完成一餐好味嘅下午茶！是日消費：腸粉$12 辣魚蛋$10 菜乾豬骨粥$13共消費$35
住咗馬鞍山19年，睇住新港城街市不停變化，經歷多次加租，今日店舖已經面目全非，當中有一間小店，仍然生存，當年覺得佢哋價錢偏貴，宜家覺得抵食！
舖仔細細食物算多選擇，腸粉係佢地主力，燒賣、牛肉、豬皮、咖哩魚蛋、糉、發糕、是日粥⋯⋯幫襯得最多係腸粉辣蛋+燒賣，雖然冇粉嶺四眼佬咁正，不過足夠稱霸馬鞍山！
今日三點幾有D肚餓，路過新港城，就入去食腸粉啦！通常都外賣返屋企食，不過今日人少少，決定坐低食。腸粉辣蛋冇叫燒賣，因為見到個叔叔食緊碗疑似皮蛋瘦肉粥，我又叫一碗，姐姐話係菜乾豬骨粥，仲特價$13碗，照食啦！腸粉唔會令你失望，碗粥更加喜出望外，足料足味，咁又完成一餐好味嘅下午茶！
是日消費：腸粉$12 辣魚蛋$10 菜乾豬骨粥$13
共消費$35
張貼
