詠藜園四川擔擔麵

營業中

休息中

有咁上下年資就會知道呢個場以前叫做蔡瀾美食坊，係由蔡生親自邀請自己心水餐廳進場開鋪，而由當年開幕做到今日都屹立不倒嘅就只剩低詠藜園。我其實開幕時已經有幫襯，中間有段時間係黃埔返工就食得更多，不過已經隔咗好耐冇食過。咁啱有事返黃埔即刻諗起要回味詠藜園最經典嘅擔擔麵！佢嘅午市套餐多年不變咁抵食，今日叫咗兩碗小辣擔擔麵，一客回鍋肉，一客生煎包，送多兩杯凍豆漿，只係$168，兩位食夠晒。擔擔麵水準依然，麵係幼麵偏爽滑，配料有肉碎花生碎，湯頭係重點我會成碗乾咗佢。以前同啲韓國同事嚟食佢哋都好喜歡呢個湯頭重會叫多碗白飯撈湯食。回鍋肉份量好足，肉菜均等。生煎包正常發揮，個底煎得脆。其實次次都想試吓其他食物，不過套餐太抵，結果都係食返最經典嘅組合。