石一燒 (富多來新邨一期) (已結業)

大角咀隱世小店，真系好容易miss咗。店面唔大，位置五算多，但都坐得舒適。店員服務一流，會幫手擺放手袋並蓋上防油套，服務好窩心。跟餐沙律都唔錯，沙律菜新鮮，胡麻醬味道夠濃郁，仲搭埋木魚絲，味道唔錯，正常水準。櫻花蝦味噌湯，足料，蝦味濃郁，搭配昆布真的好鮮甜。日本和牛肉眼，油脂豐富，牛味更濃郁，石燒時間可以自己控制。個人偏愛半熟，入口即溶，肉汁飽滿，正喔！！美國牛小排，明顯油脂會更少一些，唔算厚身，肉味濃，入口少少咬口，都好唔錯。海鮮盛有大蝦同帶子，另外準備了牛油，可以直接搽上牛油，擺石板度燒，帶子表面燒焦，更加香口。大蝦味道鮮甜，爽口。石燒都考到下功夫啦，個人覺得搭配距地自家鹽同埋黑椒一齊更加惹味。鮮菇盛，可以同牛牛一齊燒，等鮮菇充分吸收牛脂香味，更加好味。手作抹茶雪糕，親自溶好抹茶粉，然後淋落雪糕球，即刻凍住，好似朱古力甘。茶味濃郁，抹茶的茶香加埋奶香味濃郁的雪糕球，真系好好味。