freshtea by happylemon (創紀之城五期(apm)) (已結業)

好耐冇飲過Happy Lemon，應該都係好多人學生時期既回憶，皆因係香港茶飲界都係元祖級，開左好耐。飲品店環境位於Open-area位置。飲品選擇以茶飲做主打，有手榨檸檬茶、 岩鹽芝士鮮茶、醇香奶茶、鮮泡茶、水果梳打、抹茶系列、醇品鮮茶、檸檬雪冰斯、奶茶雪冰斯及鮮薑系列。價錢最平$14就有交易，係一間價錢好親民既大型連鎖店，所以學生時期真係成日飲。岩鹽芝士經典綠茶 $21(M)可以話係Happy Lemon經典中既經典之作，岩鹽芝士係佢最basic既招牌系列，簡單地配上綠茶，唔玩花款，係一杯還原基本步既茶飲。芝士奶蓋有好厚一層，佔整杯三分之一，一呷，岩鹽芝士果然咸香味十足，岩鹽比例恰當，咸道濃烈，而又唔會蓋過芝士味，以45℃角飲，飲埋綠茶，岩鹽芝士同綠茶兩者即刻平衡返，咸味被綠茶中和，茶香味亦夠，簡簡單單係最好飲，檸檬以外既好選擇。