影片
更多
2023-06-08
200 瀏覽
📌 潤禧小廚 - 紅磡崇潔街43-45號地舖🗓(8/6) 星期四 ⏰ 晚上7點左右 💈特式：見到祟潔美食街又有新餐廳開，咁就腳就梗係要去試下啦，餐廳位置係之前唐人美食坊(即係街坊叫開出前一丁)個位，睇樣就應該係茶餐廳性質，加做埋晚市小菜。🥩🍔🌭🌮🥗🥯🥘🍲🍝🍣🥟🍤🍱食物：餐廳新開張，暫時全場做緊88折，有好多晚市小菜餐選擇，亦都有2~5個小菜嘅多人套餐，而家等我同大家講下味道先。蜜椒薯仔牛柳粒 $88 - 小菜就包左一碗飯或湯粉，一碗中/西例湯或熱飲一杯，碟牛柳粒份量都ok，不過就略嫌唔夠鑊氣，同埋蜜糖落得太多，有點過甜，薯仔粒外表亦唔夠香脆，叫做中規中矩，合格啦。霸王雞(例牌) $78 - 例牌大約有1/4隻雞，如果比多$30蚊就會有半隻，肉質都幾嫩滑，表面啲薑蔥亦都爆得好香，豉油就有少少似蒸魚豉油味，整體都唔差。☕️🍵🥤🧋🍺🍷🥃🍹🧉🍾🍶🥛飲品 : 因為我叫小菜套餐只可揀例湯或熱飲，我就揀左例湯，所以無試到飲品。🍽環境：餐廳就係一般茶餐廳格局，不過因為新開張，所以都仲好新淨，環境亦都好光猛。🤵🏻🤵🏻♀️🤵🏻♂️服務：店員服務正常，不過平時返屋企經過都見到佢地好努力派傳單同介紹
🗓(8/6) 星期四 ⏰ 晚上7點左右
💈特式：見到祟潔美食街又有新餐廳開，咁就腳就梗係要去試下啦，餐廳位置係之前唐人美食坊(即係街坊叫開出前一丁)個位，睇樣就應該係茶餐廳性質，加做埋晚市小菜。
🥩🍔🌭🌮🥗🥯🥘🍲🍝🍣🥟🍤🍱
食物：餐廳新開張，暫時全場做緊88折，有好多晚市小菜餐選擇，亦都有2~5個小菜嘅多人套餐，而家等我同大家講下味道先。
蜜椒薯仔牛柳粒 $88 - 小菜就包左一碗飯或湯粉，一碗中/西例湯或熱飲一杯，碟牛柳粒份量都ok，不過就略嫌唔夠鑊氣，同埋蜜糖落得太多，有點過甜，薯仔粒外表亦唔夠香脆，叫做中規中矩，合格啦。
霸王雞(例牌) $78 - 例牌大約有1/4隻雞，如果比多$30蚊就會有半隻，肉質都幾嫩滑，表面啲薑蔥亦都爆得好香，豉油就有少少似蒸魚豉油味，整體都唔差。
☕️🍵🥤🧋🍺🍷🥃🍹🧉🍾🍶🥛
飲品 : 因為我叫小菜套餐只可揀例湯或熱飲，我就揀左例湯，所以無試到飲品。
🍽環境：餐廳就係一般茶餐廳格局，不過因為新開張，所以都仲好新淨，環境亦都好光猛。
🤵🏻🤵🏻♀️🤵🏻♂️服務：店員服務正常，不過平時返屋企經過都見到佢地好努力派傳單同介紹而家餐廳仲緊新張優惠。
💰💸價錢：兩個小菜套餐，埋單正價就$166，新張優惠88折後就唔洗$150，算係正常茶餐廳價錢。
🐲💬總結：因為我本身住得好近，見佢地d早餐/常餐/下午茶價錢都唔算貴，相信唔想行太遠或者落大雨時都會幫襯下佢。
推薦指數：❤️❤️❤️🤍🤍
蜜椒薯仔牛柳粒
$88
9 瀏覽
0 讚好
0 留言
霸王雞(例牌)
$78
7 瀏覽
0 讚好
0 留言
張貼
