見見面 (琉璃街) (已結業)

愛辣之人就會間吾中就搵辣野食，餐廳有晒水煮魚、酸菜魚同埋烤魚，見咁耐都無食烤魚就揀咗。😋麻辣烤海爐魚烤魚有3個味揀，有麻辣、酸菜同埋泡淑。餐廳係用電話落單，入面有好多細既味道選擇，除咗揀辣度，仲有麻度、油既份量、咸度。鐘意麻味既我就揀咗多麻，真係感覺到麻味重咗。而且，條魚都好大條，係炸完再烤，所以特別香，啲肉質仲好滑。我地仲加咗肥腸、寬粉同埋薯仔。寬粉同薯仔吸啲啲麻辣汁真係好正。肥腸就好爽口，同埋都幾掛麻辣汁。😋四川擔擔麵擔擔麵個湯好濃，而且依個我地都加咗麻，但係無麻味會夾啲，因為擔擔麵就係要食個個花生醬溝醋既配搭。😋乾煸四季豆四季豆真係烤得好岀色，係完全體現咗廚師真係有睇到啲味道既要求，真係好明顯麻味重咗好多，而且係吾咸同埋油份比平時既少咗。